حلقة رامز جلال رامز إيلون مصر مع حاتم صلاح
وقع الفنان حاتم صلاح ضحية لمقلب برنامج رامز إيلون مصر في حلقته الـ 28.
بدأ رامز جلال الحلقة بمقدمة ساخرة كعادته، قائلًا: "مش دايمًا العيب يكون عائقًا للنجاح، أحيانًا بيكون هو السبب فيه، ولو كنت أصلع ومناخيرك قد الكوز، هييجي يوم وتبقى في شهرة توم كروز".
وأضاف ساخرًا عن حاتم صلاح: "معانا نجم كوميدي بدأ حياته كنجار مسلح متعلق على سقالة في الكيت كات، لكنه قرر يركب موجة الكوميديا، ولما لقى أتوبيس الضحك مليان، قال لازم أبقى مختلف، طار في سماء الفن كما الحمامة، وبدأ يهبد بأي كلام، والمطبلاتية يسقفوله… إحنا هنا النهاردة عشان نقوله كفاية بقى".
عند وصول حاتم صلاح، لم يسلم من تعليقات رامز، حيث سخر من ملابسه قائلاً: "نفادي نازل من تسلا؟ ده كبيره جرار، إزاي يبقى أخو نيللي كريم وروبي في مسلسل إخواتي؟ أكيد من أم ثالثة"، مضيفًا: "إيه الجاكت ده؟ ده شكله قهوجي مش فنان".
حاول رامز استفزاز حاتم صلاح خلال الحلقة، طالبًا منه تكرار جملة: "أتعهد مش هقول نكت سخيفة تاني". لكن حاتم رفض قائلًا: "مش هقول حاضر"، ليرد رامز مستفزًا: "مفيش بيت شعر من بتوعك يحضرك دلوقتي؟"، فجاء رد حاتم سريعًا: "طلعتني ليه معاك على شاشة؟ حرقتلي بورد وجبت شاشة!"
في فقرة الأسئلة، سأل رامز جلال ضيفه: "مين نجم الكوميديا رقم واحد في مصر؟"، فأجاب حاتم صلاح: "رامز جلال". لكن رامز لم يكتفِ بذلك، وعلّق ساخرًا: "إجابتك دي أثبتت عدم ولاءك، فين أحمد مكي مكتشفك؟" ليعدل حاتم إجابته سريعًا: "مكي مكي".
ويعرض برنامج رامز إيلون مصر يوميًا عقب الإفطار على قناة MBC مصر، أي في تمام الساعة 6:00 مساءً بتوقيت مصر، كما يمكن مشاهدته على منصة شاهد.
